Materi Ceramah Islam Bahasa Sunda - Tema - Jalma Hirup Nungguan Maot

Materi Ceramah atau Tausiyah pendek bahasa sunda kalayan di bumbuan sakedik guyon

بِّسْمِ اللَّـهِ الرَّحْمَـٰنِ الرَّحِيمِ

السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ

 الحمد لله ربِّ العالمين

والصَّلاةُ والسَّلامُ عَلى حَبِيبِنا و شَفِيْعِنا مُحمَّدٍ وعلى آله وصحبه أجمعين

سُبْحَانَكَ لَا عِلْمَ لَنَا إِلَّا مَا عَلَّمْتَنَا ۖ إِنَّكَ أَنتَ الْعَلِيمُ الْحَكِيمُ
قال الله تعالى في كتابه الكريم

أعوذ بالله من الشيطان الرجيم

كُلُّ نَفْسٍ ذَائِقَةُ الْمَوْتِ ۗ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ ۖ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ ۗ وَمَا الْحَيَاةُ الدُّنْيَا إِلَّا مَتَاعُ الْغُرُورِ

Para wargi sadayana anu di mulyakeun ku Allah...
Puji sinareng syukur urang sami-sami panjatkeun ka Gusti Allah SWT anu senantiasa maparinan mangpirang-pirang nikmat anu teu kaetang seueurna. Nikmat anu teruus-terus henteu aya putus ka satiap makhluk-Na.
Di antawis nikmat anu paling utama ka urang sadayana nyaeta nikmat Iman, kumargi Iman eta mangrupikeun hidayah anu ku Allah di paparinkeun ka sebagian jalmi sareng henteu di paparinkeun ka satiap jalmi.

فَهَدَى اللَّـهُ الَّذِينَ آمَنُوا لِمَا اخْتَلَفُوا فِيهِ مِنَ الْحَقِّ بِإِذْنِهِ

Maka Allah memberi petunjuk orang-orang yang beriman kepada kebenaran tentang hal yang mereka perselisihkann itu dengan kehendak-Nya. 

وَاللَّـهُ يَهْدِي مَن يَشَاءُ إِلَىٰ صِرَاطٍ مُّسْتَقِيمٍ

Dan Allah selalu memberi petunjuk orang yang dikehendaki-Nya kepada jalan yang lurus. (QS.2:213)

Para wargi sadayana...
Jalma anu Iman tos pasti Islam, tapi jalma Islam can tangtu Iman. Maka hal iyeu patut ku urang di syukuri kumargi ku ayana Iman sahingga urang sadayana ngagaduhan kamampuan kanggo ngalengkahkeun sampeana masing-masing ti bumina masing-masing ka iyeu Majlis dina raraga berdzikir bersama, Bershalawat bersama, Ta'lim wata'lum kanggo Taqarrub ilallah milari karidhoan Gusti.
Mudah-mudahan Allah ngalungsurkeun Rahmat sareng kaberkahanana ka iyeu Majlis sahingga henteu saurang oge anu kaluar ti iyeu Majlis dina waktosna bubaran anging tos di hapunten sagala rupi dosa sareng kalepatanana ku Allah SWT, tos di kabulkeun sagala rupi hajat sareng pamaksadanana, tos di kaluarkeun tina sagala rupi kasusahan sareng kasulitan, oge di lebetkeun kana golongan jalmi-jalmia anu Taqwa.
Aamiin... Ya Rabbal Aalamiin...

Shalawat sinareng salam mugia salamina tetep di limpah curahken ka jungjunan urang sadayana, Habibana wanabiyyana Muhammad Shallallahu alaihi wasallam.
Oge ka kulawargina, ka para sahabatna sareng ka sadaya pengikutna dugikeun ka akhir zaman.
Aamiin... Aamiin.. Ya Rabbal Alamiin...

Para wargi sadayana anu di mulyakeun ku Allah...
Allah SWT ngadawuh dina Al-Qur'an

كُلُّ نَفْسٍ ذَائِقَةُ الْمَوْتِ

Tiap-tiap yang berjiwa akan merasakan mati. 

وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ

Dan sesungguhnya pada hari kiamat sajalah disempurnakan pahalamu. 

فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ

Barangsiapa dijauhkan dari neraka dan dimasukkan ke dalam surga, maka sungguh ia telah beruntung. 

Ayat iyeu mangrupikeun peringatan kanggo urang sadayana yen kematian teh mangrupikeun ketetapan Allah anu pasti datang a satiap jalma termasuk urang sadayana.
Jeung maot teh eta datangna henteu pilih-pilih. Henteu milih jalma miskin, hente milih jalma beunghar. Henteu milih jalma anu lemah, teu milih jalma nu kuat. Teu milih rakyat, teu milih pejabat. Teu milih jalma anu tos sepuh, teu milih budak ngora. teu milih jalma nu gering, teu milih anu sehat.
Ku kituna urang kedah selalu sadar sareng mawas diri, kumargi ajal eta dongkapna moal nungguan urang siap, moal nungguan urang taat, jeung moal nungguan urang taubat. Dimana geus tepi kana ajalna maka moal bisa di engke-keun deui.

وَلِكُلِّ أُمَّةٍ أَجَلٌ

Tiap-tiap umat mempunyai batas waktu; 

فَإِذَا جَاءَ أَجَلُهُمْ لَا يَسْتَأْخِرُونَ سَاعَةً ۖ وَلَا يَسْتَقْدِمُونَ

maka apabila telah datang waktunya mereka tidak dapat mengundurkannya barang sesaatpun dan tidak dapat (pula) memajukannya.

(QS Al-A’raf Ayat 34)

Jeung anu paling penting urang kedah selalu sadar yen maot eta moal ngabejaan iraha waktuna, dimana kajadianana, jeung dina kaayaan kumaha.

وَمَا تَدْرِي نَفْسٌ بِأَيِّ أَرْضٍ تَمُوتُ

Dan tiada seorangpun yang dapat mengetahui di bumi mana dia akan mati.
(QS Luqman Ayat 34)

Aya nu keur joged-joget di diskotik maot, aya nu keur tumpak motor tabrakan maot, aya nu keur jalan titajong maot, aya nu keur ngalakukeun maksiat maot, aya nu keur nenggak minuman keras maot, aya nu keur maling kaperegok terus di gebugan maot, aya nu keur shalat maot, aya nu keur cicing maot, aya nu ker gering maot.
Rupa-rupa kaayaan maotna satiap jalma nandakeun yen maot teh eta datangna ngabongohan. Da lamun seug maot eta datangna ngabejaan heula tangtos moal jalma anu maot dina kaayaan lalai.

Para wargi sadayana...
Cobi simkuring bade tumaros. Aya teu, di antawis urang anu kantos pependak sareng jalmi anu bade maot bebeja heula sateuacan maotna?.... misalna: "Pak RW abdi bade maot enjing" misalna iyeu mah...
Aya teu?...
Pasti moal aya kumargi maot eta mangrupikeun rahasia Allah

Mungkin aya di antawis urang anu kantos ngalaman, ngobrol berbincang-bincang sareng rerencangan dina hiji waktu dina kaayaan sehat jeung bugar, tapi enjingna di kabarkeun yen eta rerencangan teh tos maot dina wengina bari teu aya sabab.
Kumaha perasaan urang? pasti urang ngaraos reuwas, asa teu percaya ngadangu kabar eta jeung asa henteu nyangka, sabab eta rerencangan teh henteu gering heula, jeng eta rerencangan teh kamari henteu bebeja heula yen anjeuna teh bade maot.

Eta nandakeun yen rerencangan urang teh henteu apaleun anjeuna tos caket kana maot, sabab lamun apaleun mah meureun bakal bebeja heula ka urang,

Sanaos memang aya keterangan anu nyebatkeun yen jalma anu bade maot teh di pasihan firasat 40 dinten sateuacana, teras saminggu sateuacanna, teras sadinteun sateuacanna. Tapi firasat iyeu dongkapna henteu jelas jeung henteu spesifik, sahingga calon mayyit iyeu teh henteu yakin secara pasti

Da lamun seug jalma anu bade maot terang kalayan yakin, tangtosnsa eta jalma bakal nyibukkeun dirina dina ibadah, dina istighfar, dina taubat, dina dzikir, dina sedekah jeung sajabana.
Jeung sahanteuna dimana pendak sareng rerencanganana mungkin bakal bebeja heula.

Contona kiyeu: Saupamina abdi terang yen enjing abdi bade maot, misalna aya Malaikat Izrail dongkap ka simkuring nyariokeun, Pak Haji, enjing pak haji jadwal maot, siap-siap nya!...
Meureun abdi teh bebeja heula ka keluarga bari beberengkes nyadiakeun persiapan, ngabagikeun harta waris, ngalunasan hutang, nyeueurkeun istighfar taubat ka Allah, jeung sajabana.
Mungkin abdi ge bakal ngadongkapan pak RW wawartos heula.
"Pak RW, abdi teh enjing bade maot"
Meureun pak RW teh ngawaler: "Ooh kitu?... nya sok atuh, mudah-mudahan sing di lancarkeun di alam kubur".
Taah... aya teu didiyeu anu bebeja sapertos kitu sateuacan maot?
Heheee pasti moal aya nya...

Da lamun enya aya mah jalmi-jalmi bebeja made maot, meureun abdi ge ka pak RW bakal titip pesen sateuacan maot teh " Pak RW, iyeu abdi aya artos 500,000 kanggo meser tanah pakuburan, abdi hoyong di kurebkeun di palih tonggoh..."
Meureun pak RW ge ngawaler " Ooh anu palih tonggoh mah sajuta sakavlingna..."
Ceuk abdi teh "Duuh kumaha atuh da abdi aya artosna sakitu... Wios satengahna kitu?"
Meureun ku pak RW di waler deui "Kumaha pami sampeana nolol?"
Hehee... Iyeu mah mung sakedik hiburan...

Para wargi sadayana...
Simkuring bade tumaros deui. Aya teu di antawis urang anu tos siap mayunan maot?....
Teu aya nya?... Berarti ukur simkuring wungkul anu tos siap teh nya, InsyaAllah simkuring mah siap, saupamina bapak-bapak tos maot tipayun nembe abdi nuturkeun....
Atanapi sabalikna mangga... Simkuring maot ti pengker bapak-bapak tipayun manggaa...

Dimana urang ditanya iraha siap maot maka Jawabanana pasti urang sadayana teu acan siap.
Emang iraha siapna kitu "Ke heula abdi can siaaap..."
Emang tiasa nawar kitu?

Naon margina urang teu acan siap?...
Lamun urang kedah maot ayeuna, tangtosna kabayang ku urang enjing teh urang bakal di gotong dina keranda di candak ka tonggoh ka pakuburan, di lebetkeun kana liang lahat.
Saparantosna kitu urang teh di ruang ku taneuh, teras weh di tinggalkeun ku sadaya nu nganteur, malahan sadayana keluarga anu ku urang di pikacinta jeung di pikanyaah, nalika nganteurkeun urang ka pakuburan oge bakal aruih deui ka bumina ninggalkeun urang, anak, istri, suami, jeung dulur-dulur urang moal aya nu daek nungguan urang di pakuburan.
Bari saparantosna urang di tinggalkeun ku sadaya anu nganteur, urang teh ngantosan dongkapna dua Malaikat anu bakal nakonan urang di lebet kubur.
Urang teh kacida sieun nyanghareupan eta dua Malaikat sabab sieun teu tiasa ngajawab patarosan eta dua Malaikat.

Sieun urang teh lamun kedah maot ayeuna mah rumaos teu acan cukup bekel, rumaos can cukup ibadah, rumaos seueur keneh dosa, rumaos teu acan taubat, janten urang ngaraos sieun ku siksa kubur...
Padahal urang teh sadidinten tara pernah ninggalkeun shalat, tara ninggalkeun puasa, tara ninggalkeun zakat, infak, sedekah, selalu mendatangi Masjid, mendatangi majlis ilmu, majlis shalawat, majlis dzikir, menyambung silaturrahim jeun sajabana, tapi urang masih keneh sieuunn lamun di dongkapan kematian. Leres teu....?

Seug komo deui lamun urang henteu pernah shalat, henteu pernah ka Masjid, henteu pernah puasa, henteu pernah zakat, infak jeung sedekah, sapopoe ukur sibuk dina kamaksiatan, ngomongkeun batur, menggibah, menggunjing, mabok, judi jeung sajabana...
Demi Allah, eta bakal leuwih mengerikan deui...
Tapi naha urang teh santai-santai wae?, naha urang teh lalai?, naha urang ngarasa aman tina kematian? Saolah-olah antara urang jeung kematian teh aya jarak anu kacida jauuuh... Padahal cepat atau lambat urang bakal tepi kana waktu eta.

Kumargi kitu Rasulullah seueur ngawasiatkeun ka umatna:

"Perbanyaklah kalian mengingat kematian!" "Perbanyaklah kalian mengingat kematian!" "Perbanyaklah kalian mengingat kematian!"...

Kumargi nyeueurkeun emut kana maot eta bakal ngajantenkeun diri urang leuwih takwa, leuwih sieun ku nyanghareupan alam kubur, leuwih tawadlu, leuwih handap asor, leuwih ikhlas dina ibadah jeung leuwih khusyu, kumargi sanikmat-nikmatnya ibadah nyaeta nalika urang di eunteupan ku rasa sieun datangna maot.

Para wargi sadayana anu di mulyakeun ku Allah...
Kematian mangrupikeun saat-saat anu pasti bakal di tuju ku urang sadayana, cepat atau lambat urang bakal tepi kana waktuna, janten urang sadayana hirup di dunia teh ukur ngantosan maot.
Ukur ngantosan maot wungkul teu aya nu sanes...
Supados urang henteu bosen dina nungguan maot, maka ku Allah di paparinan hiburan. Istri hiburan, suami hiburan. Di paparin mainan ku Allah... Anak mainan, harta mainan, usaha mainan, jabatan mainan, nu tani, nu dagang, nu kerja di pabrik, nu kerja kantoran, eta sadayana mainan wungkul, di paparinan fasilitas ku Allah. Fasilitas rumah, tanah, sawah, kendaraan, eta sadayana fasilitas wungkul anu di titipkeun ku Allah, dimana waktosna urang di panggil ku Allah, maka eta sadayana moal aya nu di candak.

وَمَا الْحَيَاةُ الدُّنْيَا إِلَّا لَعِبٌ وَلَهْوٌ

Dan tiadalah kehidupan dunia ini, selain dari main-main dan senda gurau belaka. 

وَلَلدَّارُ الْآخِرَةُ خَيْرٌ لِّلَّذِينَ يَتَّقُونَ

Dan sungguh kampung akhirat itu lebih baik bagi orang-orang yang bertakwa. 

أَفَلَا تَعْقِلُونَ

Maka tidakkah kamu memahaminya?
[QS. Al-An'am- 6:32]

Nanging dina dasarna urang sebagai manusa teh ngagaduhan sifat tamak jeung rakus sahingga nganggap yen naon rupi anu di titipkeun ku Allah ka urang adalah mutlak milik urang, maka nalika Allah menta sebagian tina titipan eta urang ngaraos kabeuratan jeung kasieunan.
Di parentah ngaluarkeun zakat beurat, di parentah infak asa teu mahi, di parentah ngaluarkeun sedekah sieun miskin... Padahal eta teh di parentahkeun hanya sebagian kecil saja... Jeung sabenerna Allah berkuasa untuk menarik semua titipan tersebut jika Allah menghendaki.

Nalika Allah narik fasilitas titipan eta ku cara paksa, maka urang ngaraos sedih, ngaraos ambek jeung protes.
Caroge maot sedih, Istri maot sedih, Anak maot sedih, Usaha bangkrut marah, Kendaraan hilang marah, Caroge nyandung marah jeung protes... Ya Allah kenapa engkau tidak adil?
Padahal urang henteu pernah memperlakukan Allah dengan adil.

Cobi saimkuring ayeuna bade tumaros khusus ka Ibu-ibu. "Mending caroge maot, mending di candung....."
Heheee... Pasti dua-duana oge alim, padahal salah sahijina pasti bakal terjadi.

Ayeuna simkuring bade tumaros khusus ka bapak-bapak. "Mending bebeja, atawa mending susulumputan?..."
Heheee, dua-duana ge susah nya...
nya entos pami kitu mah mending hiji weh supados hirup urang tenang sareng nyaman, kumargi hiji ge moal seep,... Da jeung saurna rasana mah sami ceunaaah...

Hiji ayat deui Allah ngingetkeun ka urang sadayana:

وَمَا الْحَيَاةُ الدُّنْيَا إِلَّا مَتَاعُ الْغُرُورِ

Kehidupan dunia itu tidak lain hanyalah kesenangan yang memperdayakan.
(QSAli 'Imran Ayat 185)

Para wargi sadayana...
Ku kituna urang ulah dugikeun ka katipu ku kasenangan dunia sahingga ngahalalkeun sagala cara kanggo ngahontal cita-cita jeung hawa nafsu. Kahirupan dunia teh fana, sagala rupi anu di pimilik ku urang eta sadayana bakal di tinggalkeun

Oge simkuring ngahimbau ka sadayana, saparantosna urang sasarengan mengingat kematian, maka urang ulah jadi lemah dina bekerja mencari nafkah kanggo keluarga
Ibu, "Bapa tos siang geura berangkat jualan..."
Bapak. "Ah... wios bu sakedap deui ge bakal maot..."
Heheee... ulah kitu kahade!, tetap semangat mencari nafkah sebagai ladang ibadah.

Mudah-mudahan Allah SWT senantiasa ngabimbing urang sadayana sahingga tetap berjalan dina kasaean. Oge mudah-mudahan Allah SWT senantiasa maparinan kamudahan ka urang sadayana dina mayunan saga rupi ujian sareng kasulitan.
Aamiin...

https://www.dbastian.com/
https://www.youtube.com/channel/UCYKxoX-5xnaj9RW0dMjXE6w
https://www.facebook.com/dbastian75
https://www.instagram.com/d_bastian75/
https://www.linkedin.com/in/dbastians/
https://twitter.com/d_bastian75

Creamah Pendek Bahasa Sunda Fitnah Akhir Zaman

Para wargi sadayana anu di muliakeun ku Allah...
Sagala rupi anu disabdakeun ku Jungjunan urang sadayana, Kangjeng Nabi Muhammad SAW, eta pasti bener jeung teu perlu diragukeun. Teu mungkin Kangjeng Rasul ngucapkeun perkataan bohong, Satiap jalma mukmin percaya kalayan yakin, naon rupa perkara anu tos di terangkeun ku anjeuna, oge diperingatkeun ka umatna pasti perkara bener.
Di zamana Rasulullah henteu saeutik jalma anu ngaragukeun, bahkan ngahina jeung ngalecehkeun kana sabda Rasulullah, nyaeta jalma-jalma kafir jeung jalma-jalma munafiq Di antawis akidah anu wajib diimani ku urang tina perkara anu tos dikabarkeun ku Rasulullah, nyaeta urang iman kalayan yakin kana poe kiamat anu bakal terjadi sebagai tanda akhirna kahirupan manusa di alam dunia, anu mana dina waktu eta sagala rupi kahirupan di alam dunia iyeu bakal binasa. Dawuhan Allah dina surat Ar-rahman;

كُلُّ مَنْ عَلَيْهَا فَانٍ

Semua yang ada di bumi itu akan binasa. (26)

وَيَبْقَىٰ وَجْهُ رَ‌بِّكَ ذُو الْجَلَالِ وَالْإِكْرَ‌امِ

Dan tetap kekal Dzat Tuhanmu yang mempunyai kebesaran dan kemuliaan.(27) (QS: Ar-Rahman :26-27) Oge dina surat Al-Waqi'ah

إِذَا وَقَعَتِ الْوَاقِعَةُ

Apabila hari kiamat terjadi (1)

لَيْسَ لِوَقْعَتِهَا كَاذِبَةٌ

Tidak ada seorang pun dapat berdusta tentang kejadiannya (2) (QS: Al-Waqi'ah :1-2)


Tina berbagai keterangan anu dijelaskeun dina Al-Qur'an sareng Hadits, kadatangan poe kiamat ditandaan ku datangna rupa-rupa fitnah jeung ujian ka satiap jalma. Imam Bukhari sareng Imam Muslim ngariwayatkan dina hadits anu seueur, diantawisna ti Ti Sahl bin Sa'id anjeuna nyarios;

حَدَّثَنَا سَهْلُ بْنُ سَعْدٍ رَضِيَ اللَّهُ عَنْهُ قَالَ رَأَيْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ بِإِصْبَعَيْهِ هَكَذَا بِالْوُسْطَى وَالَّتِي تَلِي الْإِبْهَامَ بُعِثْتُ وَالسَّاعَةُ كَهَاتَيْنِ

Aku melihat Rasulullah SAW bersabda dengan mengisyaratkan jari telunjuk dan tengahnya demikian dan bersabda: "Aku diutus dan kiamat seperti dua jariku" (HR Bukhari 4555)

Dina Hadits anu sanesna ti Usamah bin Zaid, anjeuna nyarios, “Nabi Shallallahu ‘alaihi wa sallam pernah naik ke atas salah satu bangunan tinggi di kota Madinah, lalu bersabda, ‘Tahukah kalian apa yang aku lihat?‘Sesungguhnya aku benar-benar melihat huru-hara terjadi di sela-sela rumah-rumah kalian seperti turunnya hujan.’”

Di antawis tanda-tanda besar menjelang datangna kiamat, sakumaha seueur di peringatkeun ku Rasulullah nyaeta bakal kaluarna Al-masih Dajjal di akhir zaman. Henteu diutus hiji Nabi, anging pasti nepikeun peringatan ka umatna ngeunaan bakal datangna dajjal sebagai ujian besar di akhir zaman, Maka berita ngeunaan fitnah dajjal iyeu, oge kedah di peringatkeun ku urang secara turun temurun, sabab urang henteu terang, dina generasi anu mana dajjal bakal turun.

Tina rupi-rupi tanda akhir zaman anu seueur diterangkeun ku Rasulullah, tos seueur kabuktian terjadi di jaman ayeuna, diantawisna: Pakewuhna Huru-hara anu terjadi di wilayah timur tengah, pembantaian besar-besaran orang yahudi ka kaum Muslim di Palestina, pengusiran jeung pembunuhan di Suriyah, di Irak, di Iran, jeung negara-negara Islam lainna. Umat Islam bener-bener terancam ku kebencian negara-negara kafir.

وَلَن تَرْ‌ضَىٰ عَنكَ الْيَهُودُ وَلَا النَّصَارَ‌ىٰ حَتَّىٰ تَتَّبِعَ مِلَّتَهُمْ

Orang-orang Yahudi dan Nashrani tidak akan senang kepadamu hingga kamu mengikuti millah mereka

Iyeu katerangan dina Al-Qur'an (QS. Al-Baqarah: 120) anu ngajelaskeun yen jalma-jalma kafir teh Kacida gedena kebencianana ka Umat Islam, maranehna ngalakukeun sagala daya jeung upaya keur ngancurkeun umat Islam ku cara ngamangpaatkeun faham-faham Islam anu ekstim, saperti Islam Syi'ah, ISIS, Islam Liberal, Sufiyani, jeung macem-macem aliran lainna dijadikeun fitnah ku maranehanana yen Islam teh agama teroris, sahingga ku cara kitu maranehanana boga alesan keur ngagempur negara-negara Islam. ngahalalkeun pembunuhan secara besar-besaran. Hal iyeu luyu pisan jeung naon anu tos di beritakeun ku Rasulullah SAW 14 abad kalangkung.

عن أبي هريرة رضي الله عنه قال: قال رسول الله صلى الله عليه وسلم: ” يَتَقَارَبُ الزَّمَانُ ، وَيُقْبَضُ الْعِلْمُ ، وَتَظْهَرُ الْفِتَنُ ، وَيُلْقَى الشُّحُّ ، وَيَكْثُرُ الْهَرْجُ " . قَالُوا : وَمَا الْهَرْجُ ؟ قَالَ : " الْقَتْلُ الْقَتْلُ ” .رواه البخاري

Ti Abu Hurairah Radliyallahu ‘anhu ti Nabi Shallallahu ‘alaihi wa sallam anjeuna ngadawuh,-:” zaman semakin dekat, ilmu dicabut, dan muncul berbagai fitnah, kekikiran meraja rela dan banyak terjadi alharaj , Para sahabat tumaros:” apa itu Haraj ya Rasulullah:? Rasulullah ngawaler:”pembunuhan, pembunuhan. (HR. Bukhari).

Tanda-tanda sanesna anu tos di kabarkeun ku Rasulullah ka umatna nyaeta dina salah sahiji hadits;

عَنْ أَبِي هُرَيْرَةَ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ يَحْسِرُ الْفُرَاتُ عَنْ جَبَلٍ مِنْ ذَهَبٍ فَيَقْتَتِلُ النَّاسُ فَيُقْتَلُ مِنْ كُلِّ مِائَةٍ تِسْعُونَ أَوْ قَالَ تِسْعَةٌ وَتِسْعُونَ كُلُّهُمْ يَرَى أَنَّهُ يَنْجُو

Hadis riwayat Abu Hurairah ra. anjeuna nyarios, Rasulullah saw. ngadawuh, Kiamat tidak akan terjadi sebelum sungai Efrat kering dan memunculkan gunung emas, orang-orang saling bunuh-bunuhan untuk mendapatkannya, dari setiap seratus orang, ada sembilan puluh sembilan yang terbunuh, setiap orang berkata, Barangkali akulah yang selamat"

Sungai Eufrat teh hiji sungai anu panjangna sekitar 2,700 km, di kawasan asia bagian barat, hulu sungaina aya di Turki, jeung muarana aya di teluk persia panjangna ngaliwatan 3 Negara nyaeta Turki, Suriah, jeung Irak. Sedengkeun dina waktu ayeuna sungai eufrat terbukti mulai saat, sahingga penduduk sajumlah kota jeung negara anu kaliwatan ku sungai eufrat iyeu mulai pada nunggu-nungu munculna harta karun gunung emas, sakumaha anu di beritakeun dina Hadits, padahal di jaman Rasulullah, jalma-jalma teu percaya kana bakal saatna iyeu sungai,

Tanda-tanda lainna ngeunaan deukeutna kiamat sakumaha dina Hadits anu diriwayatkeun ku (HR. Ibnu Abi Syaibah dan al-Arzaqi) ;

“Apabila kalian telah melihat galian-galian besar di Makkah, dan bangunan-bangunannya menjulang tinggi melebihi pegunungannya, maka ketahuilah bahwa kiamat telah mendekatimu.” 

Rasulullah SAW oge ngabarkeun bahwa kiamat akan terjadi jika Assa’ah telah membentang bayangannya sehingga bayangan Kabbah tidak lagi tampak.

Di jaman Rasulullah Assa’ah ditafsirkeun sebagai waktu atawa mungkin kana waktu kiamat. Sedengkeun anu terjadi di jaman ayeuna di sagigireun Masjidil Haram aya hiji menara anu kalangkangna nutupan kalangkang Ka'bah nyaeta menara "jam" sebagai penunjuk waktu Sebagian peneliti nganggap yen iyeu pisan anu di sabdakeun ku Rasulullah teh nyaeta condong kana gedung-gedung anu ayeuna tambah padet di sagigireun Ka'bah Allahu A'lam...

Sedengkeun anu disebut "galian-galian besar di Mekkah", ayeuna mangrupakeun terowongan-terowongan anu tembus di handapeun gunung-gunung keur nyambungkeun jalan raya. Dina hadits anu lain;

عن أبي هريرة رَضِيَ اللَّهُ عَنْهُ عن النبي صلى الله عليه وسلم قال: لَا تَقُومُ السَّاعَةُ حَتَّى تَقْتَتِلَ فِئَتَانِ عَظِيمَتَانِ يَكُونُ بَيْنَهُمَا مَقْتَلَةٌ عَظِيمَةٌ دَعْوَتُهُمَا وَاحِدَةٌ

“Tidak akan terjadi hari kiamat sehingga dua kelompok besar saling berperang, dan banyak terbunuh di antara dua kelompok tersebut, yang seruan mereka adalah satu.

Hadits iyeu luyu jeung anu keur lumangsung ayeuna nyaeta perang antara Islam Syi'ah jeung Islam Sunni di wilayah Iran.

Seeur pisan Fenomena-fenomena anu terjadi dizaman ayeuna saluyu sareng anu di kabarkeun ku Rasulullah dina hadits anu seueur, ngabuktikeun yen benerna sabda Rasulullah anu diberitakeun sekitar 1400 tahun anu kalangkung.
Hal iyeu mangrupikeun peringatan akhir zaman anu mana urang kedah mulai waspada jeung mawas diri, nyanghareupan fintah akhir jaman.

Kumargi kitu, hayu urang sami-sami tingkatkeun kataqwaan ka Allah SWT, miara diri sareng keluarga tina berbagai fitnah anu bakal terjadi, ku jalan ngalaksanakeun naon rupi anu di parentahkeun ku Allah, sareng nebihan naon rupi larangana-Na Mudah-mudahan Allah SWT nyalametkeun ka urang sadayana tina fitnah Dajjal, jeung fitnah-fitnah anu sanesna. Aamiin...